Պայմանավորվել են լռել

Ա1+, 28-4-2009-"Մեր մտահոգությունները չփարատվեցին",- ՀՀ ԱԳ նախարար Էդուարդ Նալբանդյանի եւ Աժ ուժերի հետ հանդիպումից հետո այսօր Ա1+ ին ասաց քննարկման մասնակիցներից "Ժառանգություն" կուսակցության անդամ Ստեփան Սաֆարյանը: Քանի որ քաղաքական ուժերի եւ ԱԳ նախարարի միջեւ պայմանավորվածություն է ձեռք բերվել մանրամասներ չտրամադրել հանդիպման մասին` Սաֆարյանը չխախտեց պայմանավորվածությունը: Նա միայն նշեց, որ նախարարը ներկայացրել է հայ-թուրքական հարաբերությունների ներկա ընթացքը, իսկ ԱԺ քաղաքական ուժերն էլ հայտնել են իրենց մտահոգություններն ու տեսակետները: Ի դեպ, Էդուրադ Նալբանդյանն այսօր Աժ ներկայացավ խոստացած ժամին` 18.00-ին: Պարոն Նալբանդյանը խուսափելով լրագրողների հետ հանդիպումից` Աժ-ում հայ թուրքական հարաբերությունների եւ ԼՂ հիմնախնդրի հետ կապված խնդիրների քննարկման համար նախատեսված դահլիճ մտավ հետեւի մուտքից: Օպերատորներին եւ լուսանկարիչներին թույլատրեցին դահլիճում գտնվել ընդամենը 3 րոպե: Փակ դռների հետեւում մոտ մեկ ժամ տեւած հանդիպման ընթացքում, ինչպես Ա1+ին ասաց Ստեփան Սաֆարյանը, Նալբանդյանին չի հաջողվել փարատել առնվազն որոշ պատգամավորների մտահոգությունները: