News.am. 3-12-2009- Աթենքում ընթացող ԵԱՀԿ արտգործնախարարների խորհրդի 17-րդ նստաշրջանի շրջանակներում Հայաստանի արգործնախարար Էդվարդ Նալբանդյանը հանդիպել է ԵԱՀԿ գլխավոր քարտուղար Մարկ Պերեն դե Բրիշամբոյին:
Հայաստանի ԱԳՆ մամլո ծառայությունից NEWS.am-ին հայտնեցին, որ զրուցակիցները քննարկել են ԵԱՀԿ գործունեության տարբեր ոլորտներին առնչվող հարցեր, մտքեր փոխանակել կազմակերպության բարեփոխումների շուրջ:
Նախարար Նալբանդյանը նշել է, որ Հայաստանը կարեւորում է ԵԱՀԿ դերը Եվրոպայում անվտանգության եւ համագործակցության ապահովման գործում, եւ շարունակելու է գործուն մասնակցությունը կազմակերպության գործունեության բոլոր հարթություններում:
ԵԱՀԿ գլխավոր քարտուղարի խնդրանքով Հայաստանի ԱԳ նախարարը ներկայացրել է արցախյան հիմնախնդրի կարգավորման բանակցություններում գրանցված դրական դինամիկան, Հայաստանի եւ Ադրբեջանի նախագահների մյունխենյան հանդիպման արդյունքները:
Տարածաշրջանային հարցերի քննարկման ժամանակ անդրադարձ է կատարվել հայ-թուրքական հարաբերությունների կարգավորմանը։ ԵԱՀԿ գլխավոր քարտուղարը իր աջակցությունն է հայտնել այդ ուղղությամբ ձեռնարկվող քայլերին` հույս հայտնելով, որ ստորագրված արձանագրությունները շուտով կվավերացվեն ու հնարավոր կլինի անցնել պայմանավորվածությունների իրագործմանը:
Thursday, December 3, 2009
Subscribe to:
Post Comments (Atom)
No comments:
Post a Comment