«Ազատություն» 28-1-2010- Հայաստանի արտգործնախարար Էդվարդ Նալբանդյանը, ով այս օրերին Լոնդոնում մասնակցում է Աֆղաստանին նվիրված միջազգային համաժողովին, այսօր հանդիպում է ունեցել Միացյալ Նահանգների պետքարտուղար Հիլարի Քլինթոնի հետ:
«Ազատություն» ռադիոկայանի հետ հեռախոսազրույցում Հայաստանի արտգործնախարարության խոսնակի պաշտոնակատար Տիգրան Բալայանը հանդիպման մասին մանրամասներ չհաղորդեց:
Լոնդոնի համաժողովի շրջանակներում, հիշեցնենք, Հիլարի Քլինթոնը երեկ հանդիպում էր ունեցել Թուրքիայի արտգործնախարար Ահմեդ Դավութօղլուի հետ:
Թուրքական լրատվամիջոցների փոխանցմամբ, Դավութօղլուն Անկարայի մտահոգություններն էր փոխանցել հայ-թուրքական արձանագրությունների վերաբերյալ Հայաստանի Սահմանադրական Դատարանի կայացրած որոշման առնչությամբ։
Friday, January 29, 2010
Subscribe to:
Post Comments (Atom)
No comments:
Post a Comment