«Լրագիր» 1-9-2012- Ծննդյան տոները նշանավորվեցին Ադրբեջանում ԱՄՆ դեսպան Մեթյու Բրայզայի պաշտոնավարման ժամկետը չերկարաձգելու ԱՄՆ որոշմամբ: Ադրբեջանական եւ հայկական վերլուծաբանները դա համարում են ԱՄՆ հայկական լոբբիի հաղթանակ, որը դեմ էր հանդես գալիս Բրայզայի դեսպան նշանակվելուն: Հայկական լոբբին պնդում էր, որ Բրայզան կողմնակալ է վերաբերում Հայաստանին, հարում է Թուրքիային եւ Ադրբեջանին ու այդ երկրների շահերը «սրտին մոտ է ընդունում»: Դա անուղղակիորեն վկայում էր նաեւ Բրայզայի թեկնածությանը պաշտոնական Բաքվի աջակցությունը, որը լոբբինգ էր անում նրա նշանակման համար:Այդուամենայնիվ, հայամետ սենատորների բողոքը չխանգարեց Օբամային մեկ տարի առաջ նշանակել Բրայզային Բաքվում դեսպան, շրջանցելով Սենատը: Այդժամ հայ քաղաքագետները գրեցին, որ Օբաման առաջնորդվել է նրանով, որ Բրայզան պաշտպանելու է ԱՄՆ շահը, այլ ոչ թե Հայաստանի կամ Ադրբեջանի: Եվ գրեթե կասկած չկար այն հարցում, որ Օբաման կրկին կանի ամեն ինչ, որ Բրայզայի լիազորությունները երկարաձգվեն:
Բայց Օբաման չարեց այդ քայլը: Դա նշանակում է, որ նա կամ չցանկացավ գնալ Սենատի դեմ եւ նրա հայամետ մասի դեմ, կամ էլ Բրայզան դադարել է պաշտպանել ԱՄՆ շահը:
Թե որն էր այդ պատճառներից հիմնականը Բրայզայի ֆրուստրացիայի հարցում, հայտնի չէ: Թեեւ չի բացառվում, որ նա այնքան ջանասիրաբար էր վկայում ԱՄՆ շահին իր նվիրվածությունը, որ նրան որոշել են ավելի պատասխանատու պաշտոնի նշանակել, քան Ադրբեջանում դեսպանը:
Առավել եւս, որ խոսակցությունները Բրայզայի պաշտոնի բարձրացման մասին հնչում էին նրա դեսպան նշանակվելուց անմիջապես հետո:
Tehran Time
Yerevan Time
No comments:
Post a Comment