Tert.am. 9-1-2012- Իրանում ձերբակալվել են ԱՄՆ-ի օգտին լրտեսության մեջ կասկածվող անձինք: Ինչպես հայտնել է Իսլամական Հանրապետության հետախուզության հարցերով նախարար Հեյդար Մոսլեհին, լրտեսության մեղադրանքից զատ, նրանք մեղադրվում են նաև մարտի 2-ին նշանակված խորհրդարանական ընտրությունները տապալելու փորձի մեջ:Նախարարի խոսքով` ձերբակալվածները համացանցի միջոցով կապի մեջ են եղել արտերկրում գտնվող իրենց կապավորների հետ: Սակայն նրանց թվի, տարիքի և անվան մասին ոչինչ չի հաղորդվում:
Հիշեցնենք, որ ներկայում իրավիճակը շարունակում է լարված մնալ Հորմուզի նեղուցի շուրջ: Իսլամական հեղափոխության պահապանների կորպուսի բարձրաստիճան զինվորական Ալի Աշրաֆ Նուրին կիրակի հայտարարել է, որ եթե Եվրամիությունը որոշում ընդունի իրանական նավթի ներկրման հանդեպ արգելք մտցնելու մասին, ապա Թեհրանը կփակի Հորմուզի նեղուցը:
ԱՄՆ պաշտպանության նախարար Լեոն Պանետան, ի պատասխան, կիրակի հայտարարել է, որ եթե Իրանը փորձի փակել Հորմուզի նեղուցը, ապա ԱՄՆ-ն ուժով կպատասխանի Իսլամական Հանրապետությանը: «Դա այն կարմիր եզրագիծն է, որը չի կարելի անցնել, և մենք կպատասխանենք դրան», -հայտարարել է նախարարը:
Պարսից և Օմանի ծոցերը միավորող Հորմուզի նեղուցով են կատարվում մինչև 40 տոկոս համաշխարհային նավթամատակարարումները: Շաբաթ ՄԱԿ-ի գլխավոր քարտուղար Պան Գի Մունը կոչ էր արել ԱՄՆ-ին և Իրանին բանակցությունների միջոցով թոթափել նեղուցում լարվածությունը:
Tehran Time
Yerevan Time
No comments:
Post a Comment