Panorama.am. 9-1-2012- «Պատերազմի վերսկսման հավանականություն գոյություն ունի, սակայն ես չէի գնահատի այն 99 %: Համաձայնության հնարավորություն դեռևս մնում է, սակայն հիմա անհրաժեշտ է որոշել բանակցությունների ձևաչափը՝ կրկին համակարգելով գործընթացը: Թուրքիայի ներառումը որպես միջնորդ ես լիովին բացառում եմ, և եթե Ադրբեջանը պնդում է Ֆրանսիայի համանախագահների ԵԱՀԿ ՄԽ-ից դուրս գալու մասին, ապա ինչ-որ մեկը պետք է վերջինիս փոխարինի»,-այս մասին «1Նյուզ.ազ» լրատվական գործակալության հետ զրույցում, անդրադառնալով Լեռնային Ղարաբաղի հակամարտության կարգավորման գործընթացին, ասել է հետխորհրդային երկրների ուսումնասիրության տեղեկատվական վերլուծական կենտրոնի ղեկավար Ալեքսեյ Վլասով:Պատասխանելով հարցին, թե արդյոք Ադրբեջանին նպատակահարմար է բարձրացնել ԵԱՀԿ Մինսի խմբից համանախագահներից Ֆրանսիային՝ մեկ այլ երկրով փոխարինելու հարցը, Ա. Վլասով ասել է. «Շատ բարդ հարց է փորձագիտական գնահատման համար: Ես չեմ փորձում կանխատեսել Բաքվի որոշումը հարցի վերաբերյալ, բայց ինձ թվում է, որ գործը դրան չի հասնի»:
Tehran Time
Yerevan Time
No comments:
Post a Comment