«Լրագիր» 9-1-2012- Արաբական Միացյալ Էմերիությունների համար ռազմավարական կարեւորություն ունեցող Ֆուջայրա նավթամուղը, որը շրջանցում է Պարսից ծոցն ու Հորմուզի նեղուցը, ինչը արգելափակելու հեռանկարով սպառնաց Իրանը՝ ի պատասխան իր հանդեպ պատժամիջոցների խստացման, կշահագործվի հունիսին:Այդ մասին հայտարարել է ԱՄԷ էներգետիկայի նախարար Մուհամմեդ բեն Զաեն ալ Համիլին: Նրա խոսքով, նավթամուղը պատրաստ է եւ շահագործման կհանձնվի վեց ամսվա ընթացքում՝ մայիսին կամ հունիսին: Նավթամուղի թողունակությունը կազմելու է օրական 1,5 միլիոն բարել:
Նախնական ժամանակացույցով, նավթամուղը ենթադրվում էր շահագործման հանձնել միայն 2012 թվականի չորրորդ եռամսյակում:
Հիշեցնենք, որ Իրանը օրերս սպառնացել էր փակել Հորմուզի նեղուցը, եթե Արեւմուտքն էմբարգո կիրառի իրանական նավթի հանդեպ: Հորմուզի նեղուցով է իրականացվում համաշխարհային նավթային շարժի մոտ 40 տոկոսը:
Tehran Time
Yerevan Time
No comments:
Post a Comment