Panorama.am. 11-4-2012- Բաքվի դատարանն անօրինական կերպով երկարաձգել է իրանական «Սահար» հեռուստաալիքի լրագրողի ձերբակալության ժամկետը: Այդ մասին հաղորդում է իրանական «ԻՍՆԱ» լրատվական գործակալությունը:
Տեղեկատվության համաձայն` իրանական «Սահար» հեռուստաալիքի Բաքվի ներկայացուցչության ձերբակալված լրագրող Անար Բայրամլիի շահերի պաշտպան Անար Ղասեմլին հաղորդել է, որ Բաքվի «Բինագադի» շրջանի դատարանը նախօրեին հապճեպ նիստ է հրավիրել և ևս մեկ ամսով երկարաձգել է «Սահարի» լրագրողի ձերբակալման ժամկետը:
Հիշեցնենք, որ փետրվարի 18-ին իրանական ԶԼՄ-ները հաղորդագրություն տարածեցին, որտեղ նշվում էր, որ Ադրբեջանի անվտանգության ուժերի կողմից ձերբակալվել են իրանական «ՖԱՐՍ» լրատվական գործակալության և «Սահար» հեռուստաալիքի Բաքվի գրասենյակի լրագրողները, իսկ մինչ այդ Ադրբեջանից վտարվել էր Իրանի հեռուստառադիոընկերության Բաքվի գրասենյակի ղեկավարը:
Միջադեպի առնչությամբ` Բաքվում Իրանի դեսպանությունը բողոքի նոտա հղեց ադրբեջանական կողմին, պահանջելով անհապաղ ազատ արձակել ձերբակալված լրագրողներին, միևնույն, ժամանակ, նշելով, որ լրագրողների ձերբակալության փաստը հակասում է միջազգային նորմերին:
Thursday, April 12, 2012
Subscribe to:
Post Comments (Atom)
No comments:
Post a Comment