Թուրքիան վերանորոգում է «Էրզրում-Կարս» և «Կարս-Խորասան» երկաթգծերը

1in.am. 29-9-2012- Թուրքական Anadolu գործակալության փոխանցմամբ՝ Թուրքիան իրականացնում է «Կարս-Խորասան» երկաթգծի վերանորոգման աշխատանքներ, որը նրան կապում է Իրանի հետ: Վերանորոգման աշխատանքները տարվում են երկաթուղու 124 կիլոմետրանոց հատվածում: Վերանորոգման աշխատանքների համար հատկացվել է 41.7 միլիոն լիրա (1 դոլարը հավասար է 1.78 լիրա): Այդ աշխատանքներում ներգրավված է 175 մարդ: Ակնկալվում է, որ վերանորոգման աշխատանքները կավարտվեն այս տարեվերջին: Բացի այդ, նմանատիպ աշխատանքներ են ընթանում «Էրզրում-Կարս» երկաթուղու վրա: Այստեղ 60 տոկոսով արդեն իսկ ավարտվել են երկաթուղու վերանորոգման աշխատանքները: Այդ ամենի ավարտից հետո երկաթուղային ճանապարհով Էրզրումից Կարս հասնելը 6 ժամից կկրճատվի մինչև 3.5 ժամվա: