«ԱԶԳ», 08-05-2010- Կալիֆոռնիայի 35-րդ կառավարիչ Ջորջ Դոքմեջյանը եւ ճանաչված փաստաբան Մարկ Կիրակոսը ստորագրել են համատեղ հայտարարություն (որի մեկ օրինակը հասցեագրել են մեր խմբագրությանը), որով կոչ են անում ամերիկահայերին հունիսի 8-ին կայանալիք Մ. Նահանգների Սենատի ընտրություններին քվեարկել հօգուտ Նեւադայից առաջադրված թեկնածու Դեննի Թարքանյանի:
«Հայոց ցեղասպանության ճանաչման կամ որեւէ հայկական հարցի դրական լուծմանը հասնելու համար մենք Սենատում ամերիկահայի ձայնի կարիքն ունենք: Այդ ձայնը հնչեցնողը կարող է լինել Դեննի Թարքանյանը», նշված է հայտարարության մեջ:
Դեննին բասկետբոլի մրցավար Ջերրի Թարքանյանի զավակն է: Մեծացել է հայկական մթնոլորտում, նախՙ Ֆրեզնոյում, ապաՙ Լաս Վեգասում: Մասնագիտությամբ իրավաբան է եւ օրինակելի գործարար: Ուսանելու տարիներին առաջատար դեր է կատարել Նեւադայի համալսարանի բասկետբոլի խմբում եւ դարձել իր ֆակուլտետի առաջին «Ռոդս գիտնականի» թեկնածուն: Ամուսնացած է, ունի երեք դուստր եւ մեկ որդի:
Հայաստանի առաջին հանրապետության օրվա առթիվ հայտարարությունը ստորագրողները յուրաքանչյուր ամերիկահայի կոչ են անում 28 դոլար նվիրատվությամբ մասնակցել Դեննի ընտրարշավին, որպեսզի նա կարողանա իր լավ ֆինանսավորված հակառակորդների դեմ պայքարը հաջողությամբ ավարտին հասցնել: Նեւադայում նրա աջակիցների թիվն արդեն իսկ ավելանում է օրեցօր:
Saturday, May 8, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment