Թուրքիայի արտգործնախարար. «Ոչ ոք թող չմտածի որ գծած սահմանները մշտական են…»

News.am. 11-1-2010- Թուրքիայի արտգործնախարար Ահմեդ Դավութօղլուն, մասնակցելով Մարդինում կազմակերպված թուրք դեսպանների հետ երկրորդ կոնֆերանսին, մասնակիցների հետ զբոսնել է քաղաքում, այցելել Մարդինի ուղղափառ Սրբերի եկեղեցի, որտեղ Դավութօղլուի ընտանիքի անդամները նկարվել են։ Թուրքական Zaman-ի փոխանցմամբ՝ Դավութօղլուն դեսպանների հետ հանդիպման ժամանակ նշել է. «Ոչ ոք թող չմտածի որ գծած սահմանները մշտական են։ Իհարկե, պետք է հարգենք սահմանները, բայց բարեկամության շրջանակներում, նույն եվրոպական կառույցի պես պետք է ընդունենք սահմանները։ Այս սահմանները պատից պետք է վերափոխենք դռան։ Իսկ դուռը մտնելու համար է, դուռը բաց է, իսկ պատը չես կարող բացել»,-ասել է Թուրքիայի արտգործնախարարը։