Վաղը ՍԴ–ն սկսում է հայ–թուրքական արձանագրությունների քննարկումը

Tert.am. 11-1-2010- Վաղը` ժամը 11-ին, Հայաստանի Հանրապետության Սահմանադրական դատարանը կսկսի «Հայաստանի Հանրապետության և Թուրքիայի Հանրապետության միջև դիվանագիտական հարաբերությունների հաստատման մասին» ու «Հայաստանի Հանրապետության և Թուրքիայի Հանրապետության միջև երկկողմ հարաբերությունների զարգացման մասին» արձանագրությունների քննարկումը։ ՀՀ Սահմանադրության 100-րդ հոդվածի համաձայն՝ ՍԴ–ն կորոշի` համապատասխանո՞ւմ են դրանք Հայաստանի Հանրապետության մայր օրենքին, թե՞ ոչ։ Ենթադրվում է, որ նիստին ներկա կլինեն քաղաքական տարբեր ուժերի ներկայացուցիչներ։