Իրանը բոլոր ռուս օդաչուներին երկու ամիս է տվել, որպեսզի նրանք լքեն երկիրը

News.am. 6-3-2010- Իրանի իշխանություններն իրենց երկրում աշխատող բոլոր ռուս օդաչուներին երկու ամիս են տվել, որպեսզի վերջիններս լքեն երկիրը։ Ինչպես հաղորդում է Reuters-ը, այդ ժամկետը տրվել է՝ համաձայն Իրանի նախագահ Մահմուդ Ահմադինեջադի հրամանի։ Նրա խոսքով, որոշումն ընդունվել է այն պատճառով, որ իրանցի պրոֆեսիոնալ օդաչուների կողքին իմաստ չունի պահել օտարերկրացի օդաչուների։ «Էխո Մոսկվի» ռադիոկայանի հաղորդմամբ, ռուս փորձագետները հաստատում են, թե այս կերպ Իրանը պատասխանել է Մոսկվայի՝ այդ երկրի դեմ պատժամիջոցների կիրառման հնարավորության մասին հայտարարություններին։ Fars գործակալության տվյալներով, ռուս օդաչուների հարցն Իրանում սկսել է քննարկվել անցած հուլիսին՝ Իրանի Մեշխադ քաղաքում Ил-62 ինքնաթիռի կործանումից հետո։ Իրանական կողմի համոզմամբ, ինքնաթիռի կործանման պատճառը օդաչուն է եղել։ Եւս մեկ Ту-154 ինքնաթիռ, որ 2009 թ. Իրանից Հայաստան էր թռչում, այրվել էր եւ ցած ընկել, ինչի արդյունքում զոհվել էր 168 մարդ,- հայտնում է Reuters-ը։