Վրաստանի խորհրդարանում Ադրբեջանի վրացիների կացությունը հետազոտող խումբ է ստեղծվել

7Or.am. 6-7-2010- Վրաստանում համատեղ կառավարական և խորհրդարանական խումբ է ստեղծվել, որը հետազոտելու է Ադրբեջանում վրացական սփյուռքի կացությունը։ Ինչպես «Trend» գործակալությանը տեղեկացրել են Վրաստանի խորհրդարանից, այդ որոշումն ընդունվել է արտերկրում բնակվող հայրենակիցների հետ կապերի հանձնաժողովի նիստից հետո։ Լսումների ժամանակ Ադրբեջանում բնակվող վրացիների խնդրի ներքո քննարկվել են ադրբեջանա-վրացական հարաբերությունները։ Լսումները փակ են եղել, որի ժամանակ ներկայացվել է Ադրբեջանում վրացիների դրության վերաբերյալ Վրաստանի արտգործնախարարության փաստաթուղթը։