Անկարան իր դիվանագետին առաջադրելու է ԵԱՀԿ գլխավոր քարտուղարի պաշտոնում

Tert.am. 25-11-2010- Թուրքիան ցանկանում է իր դիվանագետին առաջադրել ԵԱՀԿ գլխավոր քարտուղարի պաշտոնում։ Այս մասին տեղեկացնում է Todey՛s Zaman թերթը։

Թուրքական պարբերականի փոխանցմամբ՝ դեկտեմբերի 1-2–ը Աստանայում կայանալիք գագաթնաժողովի ժամանակ Թուրքիայի նախագահ Աբդուլլահ Գյուլը ԵԱՀԿ գլխավոր քարտուղարի պաշտոնում պաշտպանելու է Էրսին Էրչինի թեկնածությունը, որը վայելում է ԵԱՀԿ 56 անդամ երկրների մեծ մասի աջակցությունը։
Նշենք, որ Էրսին Էրչինը 2009թ. ի վեր Բրազիլիայում գլխավորում է թուրքական դիվանագիտական առաքելությունը։