News.am. 22-2-2011- Ժնեւում, փետրվարի 18-ին Եկեղեցիների Համաշխարհային Խորհրդի կենտրոնական կոմիտեի ժողովի շրջանակներում տեղի է ունեցել Իրաքի կրոնական առաջնորդների հանդիպումը, որտեղ Հայոց եկեղեցին ներկայացրել է Իրաքի Հայոց թեմի առաջնորդ Տ. Ավագ արքեպիսկոպոս Ասատուրյանը: Վերջինս հանդիսանում է նաեւ Իրաքի քրիստոնեական Եկեղեցիների առաջնորդների խորհրդի գլխավոր քարտուղարը:Մայր Աթոռից NEWS.am-ին հայտնում են, որ հանդիպման մասնակիցներն անդրադարձել են վերջերս Իրաքում քրիստոնյաների դեմ կիրառված հալածանքներին եւ ահաբեկչական գործողություններին: Կենտրոնական կոմիտեի ընդլայնված կազմով նիստի ժամանակ նրանք ընդգծել են Իրաքի բոլոր բնակիչների համար անվտանգության ապահով միջավայր ստեղծելու անհրաժեշտությունը: Իրաքի կրոնական առաջնորդները շեշտել են, որ Եկեղեցին Իրաքում շարունակում է մնալ ճնշման տակ, եւ եթե այսպես շարունակվի՝ քրիստոնյաները կկանգնեն խիստ վտանգի առաջ:
No comments:
Post a Comment