Panorama.am. 07-05-2011-Արցախի Հանրապետության Նախագահ Բակո Սահակյանը մայիսի 7-ին հանդիպել է Հայաստանի Հանրապետության Նախագահ Սերժ Սարգսյանի հետ: Արցախի նախագահի լրատվական ծառայությունից տեղեկացնում են, որ նախագահները քննարկել են երկու հայկական պետությունների համագործակցությանը վերաբերող հարցերի լայն շրջանակ: Երկուստեք նշվել է, որ ներհայկական կապերի շարունակական ընդլայնումն ու խորացումը հանդիսանում է Հայաստանի և Արցախի պետականաշինության կարևորագույն հիմքերից և զարգացման գրավականներից մեկը:
Բակո Սահակյանն ու Սերժ Սարգսյանն անդրադարձ են կատարել նաև ադրբեջանա-ղարաբաղյան հակամարտության կարգավորմանը և տարածաշրջանային գործընթացներին:
Հանդիպմանը մասնակցում էին վարչապետ Արա Հարությունյանը, փոխվարչապետ, ֆինանսների նախարար Սպարտակ Թեւոսյանը:
No comments:
Post a Comment