Վաճառքի են հանվել ամերիկյան թռչող ավտոմեքենաները

Tert.am. 18-7-2011- Այսօրվանից յուրաքանչյուր ոք, ցանկության դեպքում, կարող է ձեռք բերել ամերիկյան թռչող Terrafugia ավտոմեքենա։ Այդ ավտոմեքենան, որը մինչ այսօր կարելի էր տեսնել միայն ֆանտաստիկ ֆիլմերում, երկու անգամ ավելի էժան է Rolls-Royce–ի ավտոմեքենաներից։
Թռչող ավտոմեքենայի գինը 250 000 դոլար է։ Ինքնաթիռի թևերով այդ ավտոմեքենան կարող է օգտագործվել նաև որպես սովորական ավտոմեքենա (այս դեպքում այն առավելագույնը ժամում 75 կմ արագություն է զարգացնում)։ Իսկ երբ բացում է թևերը, ժամում կարող է մինչև 120 կմ արագություն զարգացնել՝ ժամում 5 լիտր բենզին ծախսելով։ Terrafugia –ն մեքենայից ինքնաթիռի է վերածվում 15 վայրկյանի ընթացքում՝ կոճակի մեկ սեղմումով։