Իրանում դատում են 32 կաշառակերի

1in.am. 18-2-2012- Իրանի մայրաքաղաք Թեհրանում այսօր սկսվել են ֆինանսական մեքենայության մեջ մեղադրվող 32 մարդկանց դատալսումները: Այս մասին հայտնում է Интерфакс գործակալությունը` հիմնվելով տեղական ԶԼՄ-ների վրա: Մեղադրյալներին սպառնում է մահապատիժ: Դատալսման առաջին օրն ընթերցված մեղադրական ակտում գերակշռում է կոռուպցիայի մեղադրանքը` հարստացման նպատակով: ԶԼՄ-ները նշում են, որ սա Իրանի Իսլամական Հանրապետությունում նման մեծ ծավալով առաջին դատական գործն է: Մեղադրյալների կողմից անօրինական կերպով յուրացրած գումարը կազմում է մոտ 2.6 միլիարդ դոլար: