Ձերբակալվել է իրանական «Sahar» հեռուստաալիքի թղթակիցը

1in.am. 19-2-2012- Ձերբակալվել է իրանական «Sahar» հեռուստաալիքի բաքվեցի թղթակիցը: Ինչպես հայտնում են Բինագադինյան շրջանի ոստիկանության 4-րդ բաժանմունքից, Ադրբեջանի քաղաքացի Անար Բայրամլիի /ծնված 1981 թվականին/ մոտ հայտնաբերվել է 0.387 գր. հերոին: Այս մասին հաղորդում է 1news.az-ը`հղում անելով ANS-Press-ին: Ձերբակալման ժամանակ Ա.Բայրամլին դիմադրել է Ոստիկանության աշխատակիցներին: Նշենք, որ ձերբակալությունը տեղի է ունեցել փետրվարի 17-ին: Տվյալ պահին շարունակվում է գործի հետաքննությունը, ճշտվում է թմրանյութի ձեռքբերման աղբյուրը: