Ալիեւը կոչ է անում մեծացնել ճնշումները Հայաստանի վրա

News.am. 14-4-2010- Ղարաբաղյան հարցի լուծման ճանապարհին Ադրբեջանը հավատարիմ է մնում միջազգային իրավական նորմերի վրա հենվող իր սկզբունքային դիրքորոշմանը։ Այս մասին, ինչպես հայտնում է ադրբեջանական АПА գործակալությունը, ապրիլի 14-ին հայտարարել է Ադրբեջանի նախագահ Իլհամ Ալիեւը։ Նա հայտարարել է, որ «Հայաստանի կողմից գործընթացն արհեստականորեն ձգձգելն անթույլատրելի է» եւ նշել է Մադրիդյան նորացված սկզբունքների վերաբերյալ Հայաստանի դիրքորոշման ներկայացման կարեւորության մասին։ Նա բանակցային գործընթացին մասնակցող պետություններին կոչ է արել չաջակցել Հայաստանին եւ մեծացնել նրա վրա ճնշումները։