News.am. 12-7-2011- Ղարաբաղյան հակամարտության կարգավորման հարցը դարձել է Ռուսաստանի նախագահի անձնական գործը, կարելի է ասել՝ պատվի հարցը, եւ այնպիսի ձախողումները, ինչպիսին Կազանն էր, ստվեր են գցում ՌԴ ղեկավարի հեղինակության վրա։ Հուլիսի 12-ին տեղի ունեցած մամուլի ասուլիսի ժամանակ նման տեսակետ հայտնեց «Կովկաս» ինստիտուտի փոխտնօրեն Սերգեյ Մինասյանը:Նրա խոսքով, Մեդվեդեւն այս հարցում վճռական է տրամադրված, եւ Ռուսաստանի ԱԳ նախարար Սերգեյ Լավրովի նոր առաջարկները կարելի է դիտարկել այդ համատեքստում։
«Կարծում եմ՝ այդ «թղթապանակում» կողմերին նախկինում ներկայացված առաջարկների մոդիֆիկացված տարբերակն է։ Սակայն բոլոր առաջարկներում կարեւոր հարցերը նույնն են, մասնավորապես Լեռնային Ղարաբաղի կարգավիճակի շուրջ հանրաքվեի անցկացումը։ Ահա սա է ամենից շատ հունից հանում Ադրբեջանին»,- նկատեց փորձագետը։
No comments:
Post a Comment