Գերմանիան կոչ է անում վավերացնել հայ-թուրքական արձանագրությունները եւ վայրկյան առաջ դրանք դնել գործողության մեջ

News.am. 8-1-2010- Թուրքիայում պաշտոնական այցով գտնվող Գերմանիայի արտգործնախարար Գուիդո Վեստերվելն Անկարային կոչ է արել շտապ վավերացնել ստորագրված հայ-թուրքական արձանագրությունները։ Թուրքական Gercekgundem կայքէջի փոխանցմամբ՝ Գերմանիայի արտգործնախարարը հունվարի 7-ին Անկարայում Թուրքիայի արտգործնախարար Ահմեդ Դավութօղլուի հետ կազմակերպած համատեղ ասուլիսի ժամանակ իր երկրի անունից աջակցություն է հայտնել Թուրքիայի ԵՄ-ի անդամակցությանը՝ նշելով, որ Թուրքիան Գերմանիայի համար կարեւոր երկիր է։ Գերմանիայի արտգործնախարարը Թուրքիային կոչ է արել շտապ վավերացնել հայ-թուրքական արձանագրությունները կարգավորող արձանագրությունները եւ վայրկյան առաջ դրանք դնել գործողության մեջ։ Հիշեցնենք, որ հոկտեմբերի 10-ին Ցյուրիխում Հայաստանն ու Թուրքիան ստորագրեցին երկկողմ հարաբերությունների կարգավորման արձանագրությունները, որոնք պետք է նաեւ վավերացվեն երկու երկրների խորհրդարաններում: