Համանախագահները կհանդիպեն հուլիսի 17-ին Ալմաթիում

Tert.am. 13-7-2010- ԵԱՀԿ Մինսկի խմբի հանդիպումը ԵԱՀԿ գործող նախագահ, Ղազախստանի արտգործնախարար Կանատ Սաուդաբաևի մասնակցությամբ տեղի կունենա հուլիսի 17-ին Ալմաթիում ԵԱՀԿ ԱԳ նախարարների ոչ պաշտոնական հանդիպման շրջանակում։ Այս մասին նշվում է ԵԱՀԿ պաշտոնական կայքում։ ԵԱՀԿ անդամ երկրների արտգործնախարարների ոչ պաշտոնական խորհրդակցությունը տեղի կունենա Ալմաթիում հուլիսի 16-17-ին։