Արագածոտնի մարզի ընդհանուր իրավասության դատարանը այսօր մերժեց «Հայկական ժամանակ» օրաթերթի գլխավոր խմբագիր Նիկոլ Փաշինյանի դիմումը, որով նա պահանջում էր պարտավորեցնել «Նուբարաշեն» քրեակատարողական հիմնարկի պետ Տիգրան Նավասարդյանին` փոփոխել իր պատժաչափի չկրած մասի կրճատման մասին որոշումը եւ վերահաշվարկ կատարել: 2008 թվականի հետընտրական իրադարձությունների կապակցությամբ անազատության մեջ գտնվող Փաշինյանը պնդում է, որ իր դեմ անօրինական որոշում է կայացվել, եւ պատժաչափը երկարացվել է 4 ամիս 29 օրով: Նրա համոզմամբ` այդ որոշումը կայացվել է քաղաքական դրդապատճառներով, քանի որ եթե ճիշտ վերահաշվարկ կատարվեր, ինքը ազատության մեջ հայտնվեր 2013 թվականի հունվարի 1-ին, իսկ այդ ժամանակահատվածում նախագահական ընտրությունների քարոզարշավի թեժ շրջանն է:
Նիկոլ Փաշինյանը դատարանի դահլիճում հայտարարեց, որ բողոքարկելու է ընդհանուր իրավասության դատարանի որոշումը:
No comments:
Post a Comment