Էրդողանի կոչն ուղղված է եղել թուրք հասարակությանը

Panorama.am. 9-12-2009- Թուրքիայի վարչապետ Ռեջեփ Թայիփ Էրդողանի այն հայտարարությունը, որ հայ-թուրքական արձանագրությունները վավերացումը կախված է ԼՂ հակամարտության կարգավորման գործընթացում գրանցված դրական միտումներից, քաղաքագետ Վ. Գուլուզադեի համոզմամբ` ամենից առաջ ուղղված էր թուրքական հասարակությանը: Այս մասին տեղեկացնում է Դեյ.ազ լրատվական կայքը: Գուլուզադեն նշել է, որ ինքը դրական է գնահատում Էրդողանի` Բարաք Օբամայի հետ հանդիպման ժամանակ արտահայտած տեսակետները: Նրա դիտարկմամբ` ինքնին օրինաչափ են դիտվում եղբայր պետության վարչապետի նմանօրինակ հայտարարությունները: Քաղաքագետի կարծիքով, Էրդողանին անհրաժեշտ էր նման հայտարարություններ անել հենց միայն այն պատճառով, որ թուրքական հասարակությունն իր անհամաձայնություն էր հայտնել նշյալ արձանագրությունների առնչությամբ: Գուլուզադեն նաև հավելել է, որ տեղեկություններն այն մասին, թե Էրդողան-Օբամա հանդիպման արդյունքում առաջընթաց է արձանագրվել ԼՂ հիմնախնդրի կարգավորման գործընթացում, դատարկ խոսակցություններ են: