Կանադան խոստացել է նոր պատժամիջոցներ` Իրանի դեմ

Aysor.am, 3-3-2010- Մարտի վերջին նախատեսված «ությակի» երկրների արտաքին գործերի նախարարների հանդիպմանը Կանադան ձգտելու է Իրանի հանդեպ նոր պատժամիջոցներ սահմանելուն, քանի որ Թեհրանը շարունակում է իր միջուկային ծրագիրը: Այս մասին The Globe and Mail թերթին տված հարցազրույցում հայտարարել է Կանադայի ԱԳ նախարար Լոուրենս Կոննոնը: «Մենք ուսումնասիրում ենք պատժամիջոցների հարցը»,- նշել է նա,- «Լիովին ակնհայտ է, որ Կանադան ակտիվորեն համագործակցելու է այլ երկրների հետ այն նախաձեռնությունների աջակցության համար, որոնք կարող են առաջադրվել ՄԱԿ Անվտանգության խորհրդում կամ կարող են առաջանալ «ությակի» գագաթնաժողովում քննարկումների ժամանակ»: Բացի դա, նախարարական հանդիպմանը կարծարծվեն ահաբեկչության դեմ պայքարի, աղքատ երկրներին օգնություն տրամադրելու խնդիրները: «Մենք բոլոր դիտարկել ենք այն հարցը, թե ինչ կարող ենք անել Աֆրիկայի և այլ երկրներին օգնություն հատկացնելու առումով: Վերջին տարիների ընթացքում իրադրության զարգացումը ցույց է տվել, որ երկրներից յուրաքանչյուրն առաջ է քաշել իր նախաձեռնությունները, իսկ կոորդինացված մոտեցում չի եղել»,- պարզաբանել է նախարարը: