Թուրքիայում հայը սպանել է հորն ու ինքնասպան եղել

Tert.am. 12-7-2010- Ստամբուլի Շիշլի թաղամասում այս գիշեր տեղի է ունեցել զարհուրելի դեպք. մի հայ մոր աչքի առջև սպանել է հորն ու ինքնասպանություն գործել: Թուրքական Cihan գործակալության փոխանցմամբ` Թուրքիայի քաղաքացի, ազգությամբ հայ 52-ամյա Էմիրհան Բուրսալըյանը ոգելից խմիչքի ազդեցության տակ ուշ երեկոյան վերադարձել է տուն և սկսել վիճել հոր հետ: Վիճաբանության ընթացքում Էմիրհանը մոր աչքի առջև հրազենով կրակել է հոր` 82-ամյա Համբարձում Բուրսալըյանի վրա և սպանել նրան: Քիչ անց նա ինքնասպանություն է գործել` կրակելով իր գլխին: Cihan-ի տեղեկության համաձայն` Էմիրհան Բուրսալըյանն ունեցել է գլխի ուռուցք: Նրա մայրը` Ռաննի Բուրսալըյանը, այս պահին գտնվում է ոստիկանական բաժանումունքում։