Հայաստանում կանայք ավելի շատ են, քան տղամարդիկ

News.am. 19-11-2010- Հայաստանում կանանց թիվը գերազանցում է տղամարդկանց թվին։ Ըստ Ազգային վիճակագրական ծառայության հրապարակած տեղեկատվության՝ 2010 թ. հունվարի 1-ի դրությամբ կանանց թիվը կազմում էր 1,67 մլն՝ տղամարդկանց 1,57 մլն-ի դիմաց։
Ինչպես կանանց, այնպես էլ տղամարդկանց ամենամեծ տարիքային խումբը 20-24 տարեկաններն են։ Այդ տարիքային խմբին բաժին է ընկնում կանանց 10,2 տոկոսը եւ տղամարդկանց 9,3 տոկոսը։ Սակայն եթե կանանց մոտ երկրորդ տեղում 15-19 տարեկաններն են (ընդհանուրի 9,5 տոկոսը), ապա տղամարդկանց մոտ՝ 25-29 տարեկանները (ընդհանուրի 8,7 տոկոսը)։