Հայ-թուրքական սահմանին Անկարան կտեղակայի ծանր զինատեսակներ

News.am. 2-11-2010- «Սահմանի պահպանության գլխավոր վարչության եւ պաշտոնների մասին» օրենքն ուղարկվել է Թուրքիայի Գլխավոր շտաբ:

Առաջարկվում է Ներքին գործերի նախարարությանը կից ստեղծել սահմանի պահպանության գլխավոր վարչություն: Եթե նախագիծն ընդունվի, Թուրքիայի Սահմանապահ ծառայությունն իրավունք կունենա օգտագործել ծանր զինատեսակներ եւ առանց դատարանի որոշման գաղտնալսել հեռախոսազրույցներ:
Ոստիկանունությունը սահմանի պահպանությունը Գլխավոր վարչությանը կփոխանցի աստիճանաբար: Հունաստանի եւ Բուլղարիայի հետ սահմանի պահպանությամբ վարչությունը կզբաղվի 2015-ից, Հայաստանի, Վրաստանի եւ Ադրբեջանի հետ` 2017-ից, Սիրիայի հետ` 2018-ից: Դրանից հետո կառավարությունը կորոշի Իրանի եւ Իրաքի հետ սահմանի պահպանության փոխանցման ժամկետները: