ԱՄՆ դեսպանատունը հաստատում է. Յովանովիչը հեռանում է Հայաստանից

News.am. 6-5-2011- Մարի Յովանովիչը այս տարի հունիսին կավարտի իր եռամյա առաքելությունը որպես Հայաստանում ԱՄՆ դեսպան:

Նա կվերադառնա Վաշինգտոն որտեղ կստանձնի Հյուսիսային եւ Կենտրոնական Եվրոպայի հարցերով պետքարտուղարի փոխտեղակալի պաշտոնը: Այս մասին NEWS.am-ի թղթակցի հետ զրույցում հայտնել է Հայաստանում ԱՄՆ դեսպանատան մամուլի քարտուղար Թագուհի Ջահուկյանը:
Նշենք, որ Յովանովիչի հեռանալու մասին լուրերը տարածվել էին նախօրեին: Ըստ այդ լուրերի, Հայաստանում ԱՄՆ-ի դեսպան Մարի Յովանովիչը մոտ ապագայում` հունիսի սկզբներին բարձր պաշտոնի կանցնի պետդեպարտամենտում: