Ադրբեջանի արտգործնախարարը նախընտրում է Ռոբերտ Քոչարյանին

HayInfo. 25-5-2009- Չնայած տարածաշրջանում իրավիճակի փոփոխությանը, Հայաստանը սկսել է բացասական ճնշում գործադրել ղարաբաղյան հակամարտության խաղաղ կարգավորման գործընթացի վրա: Նման հայտարարությամբ Trend News-ին տված հարցազրույցում հանդես է եկել Ադրբեջանի արտգործնախարար Էլմար Մամեդյարովը:Այդ մասին հաղորդում է Թերթ.ամ «Խաղաղ կարգավորման գործընթացում մենք շատ ձեռքբերումներ ենք ունեցել Հայաստանի նախկին ղեկավարության հետ, իսկ ներկայիս ղեկավարության հետ` ոչնչի չենք հասել: Որպես բանակցություններ վարող մարդ՝ ես չեմ կարող պարծենալ առկա հարցերում որևէ տեղաշարժով»,- հավելել է Մամեդյարովը: Նրա խոսքերով՝ Միացյալ Նախանգները նոր վարչակազմի օրոք սկսել են ԵԱՀԿ Մինկի խմբի և այլ երկրների միջնորդությամբ ազդել տարածաշրջանի գործընթացների վրա: «Սակայն Հայաստանի նոր նախագահի օրոք մենք որևէ քայլ առաջ չենք գնացել»,- եզրափակել է Ադրբեջանի արտգործնախարարը: