ATP դասակարգման նոր աղյուսակում Նալբանդյանը 14-րդն է

Tert.am. 17-8-2009- Այսօր հրապարակվել է ATP թենիսիստ պրոֆեսիոնալների դասակարգման նոր աղյուսակը։ Այն, ինչպես և ամսվա սկզբում, գլխավորում է շվեյցարացի Ռոջեր Ֆեդեռերը։ Երկրորդ բրիտանացի Էնդի Մյուրրեյն է, ով երեկ հաղթող դարձավ Մոնրեալի առաջնությունում։ Լավագույն եռյակը եզրափակում է Ռաֆաել Նադալը, ով մեկ հորիզոնականով նահանջ է ապրել։ Անփոփոխ է մնացել արգենտինահայ Դավիդ Նալբանդյանի վարկանիշը. նա կրկին 14-րդն է: Հիշեցնենք, որ Դավիդը ստիպված էր մոտ 4 ամիս դուրս չգալ խաղադաշտ` ծանր վնասվածքի պատճառով։ Ինչ վերաբերում է Հայաստանի դրոշի ներքո հանդես եկող թենիսիստներին, ապա լավագույնը այս շարքում Տիգրան Մարտիրոսյանն է, ով զբաղեցնում է 420-րդ հորիզոնականը։ Հարություն Սոֆյանի ու Խաչատուր Խաչատրյանի վարկանիշային իրադրությունը էլ ավելի ծանր է։ ATP-ի վարկածով աշխարհի ուժեղագույն 10 թենիսիստների ցանկը օգոստոսի 17-ի դրությամբ: 1 Ռոջեր Ֆեդերեր (Շվեյցարիա) 2 Էնդի Մյուրեյ (Մեծ Բրիտանիա) 3 Ռաֆայել Նադալ (Իսպանիա) 4 Նովակ Ջոկովիչ (Սերբիա) 5 Էնդիկ Ռոդիկ (ԱՄՆ) 6 Խուան Դել Պորտո (Արգենտինա) 7 Ժո Ուիլֆրեդ Տսոնգա (Ֆրանսիա) 8 Նիկոլայ Դավիդենկո (Ռուսաստան) 9 Ժիլ Սիմոն (Ֆրանսիա) 10 Ֆեռնանդո Վերդասկո (Իսպանիա) ------- 14. Դավիդ Նալբանդյան (Արգենտինա)--------- 420. Տիգրան Մարտիրոսյան (Հայաստան) 1451. Հարություն Սոֆյան (Հայաստան) 1780. Խաչատուր Խաչատրյան (Հայաստան)