ՀՀ էներգետիկայի նախարարության և իրանական կողմի միջև Հայաստան գազի արտահանման ծավալների մեծացման մասին քննարկում չկա

News.am 2-11-2009- ՀՀ էներգետիկայի նախարարության և իրանական կողմի միջև Հայաստան գազի արտահանման ծավալների մեծացման մասին որևէ քննարկում չի ընթանում։ Այս մասին NEWS.am-ի թղթակցին տեղեկացրին ՀՀ Էներգետիկայի նախարարությունից՝ նշելով, որ Հայաստանի և Իրանի միջև գազի և էլեկտրաէներգիայի փոխադարձ առաքումները կատարվում են համապատասխան պայմանագրով, որի վերանայման ուղղությամբ տեղեկատվություն չկա։ Հիշեցնենք, որ նախորդ շաբաթ Իրանի IRNA լրատվական գործակալությունը տեղեկատվություն էր տարածել, որ Իրանը պատրաստվում է 5 անգամ ավելացնել Հայաստան արտահանվող գազի ծավալը։