Թուրքիան կարող է Հայաստանի հետ փոխադարձաբար հանել երկիր մուտք գործելու վիզաները

News.am. 12-1-2010- Թուրքիայի իշխող կուսակցության Գազիանթեփից ընտրված պատգամավոր Մեհմեդ Էրդողանը անդրադառնալով Թուրքիայի կողմից հարեւան երկրների հետ մուտքի վիզաների փոխադարձաբար վերացմանը՝ նշել է, որ դա շարունակվելու է։ Թուրքական Haberx կայքէջի փոխանցմամբ՝ Թուրքիայի խորհրդարանի պատգամավոր Մեհմեդ Էրդողանը հայտնել է, որ առաջիկայում հնարավոր է Հայաստանի հետ նույնպես փոխադարձաբար հանվեն երկիր մուտք գործելու վիզաները։ «Մենք ասում ենք հանդուրժողականություն, խաղաղություն եւ եղբայրություն։ Ոչ ոք չի տեսել, որ հակամարտող երկրները զարգանան։ Հակամարտությունը ու՞մ է ինչ բերել»,-ասել է իշխող «Արդարություն եւ զարգացում» կուսակցության պատգամավորը։