Ադրբեջանն ու Թուրքիան ռազմական զորավարժությունների շարք են անցկացնելու

7or.am. 19-4-2010- Ադրբեջանի պաշտպանության նախարարության մամլո ծառայությունը հաղորդագրություն է տարածել, որտեղ ասվում է, որ ապրիլի 26-ից մայիսի 14-ը ադրբեջանցի զինվորականները կմասնակցեն Անկարայում կայանալիք «ՄԱԿ-ի ռազմական դիտորդ» ծրագրի վերապատրաստումներին։ Նույն ժամանակահատվածում ադրբեջանցի զինվորականները կմասնակցեն նաև Անկարայում կայանալիք թրաֆիքինգի դեմ պայքարի դասընթացներին։ Ապրիլի 26-28-ը Անկարայում տեղի կունենա նաև թուրք–ադրբեջանական բանակային ստորաբաժանումներում կրակային պաշտպանության փորձի փոխանակում։