Լրագրողական կազմակերպությունը դատապարտում է Էռնեստ Վարդանյանի ձերբակալությունը

Tert.am. 19-42010- «Հարավ–արևելյան եվրոպական մեդիա կազմակերպությունը» խստորեն դատապարտել է հայազգի հայտնի լրագրող Էռնեստ Վարդանյանի անհիմն ձերբակալությունը Մոլդովայում՝ պետական պաշտոնյաների և հասարակական շահերի անտեսման մասին քննադատական հոդվածներ հրապարակելու համար։ Այդ մասին հաղորդում է անկախ լրագրող Ժան Էքյանը։ Հիշեցնենք, որ լրագրող Էռնեստ Վարդանյանը՝ «Նովիյ ռեգիոն»-ի անկախ միջազգային վերլուծաբանը, ձերբակալվել է Մերձդնեստրում ապրիլի 7-ին՝ «լրտեսության և պետական դավաճանության» մեղադրանքով։ Ձերբակալողները ներկայացել են որպես Մերձդնեստրի գաղտնի ծառայության գործակալներ։ Մերձդնեստրի Քրեական օրենսգրքի 271-րդ հոդվածի համաձայն՝ Վարդանյանին սպառնում է մինչև 20 տարվա ազատազրկում։ Լրագրողը ձերբակալվել է Տիրասպոլում՝ իր տան մոտ։ Էռնեստ Վարդանյանն ունի երկու երեխա։