ՀՀ Ազգային անվտանգության ծառայության Մամուլի կենտրոնը տարածել է հայտարարություն, որում ասվում է. ՀՀ ԱԱԾ և Հայաստանում ՌԴ ԴԱԾ ՍՎ հետ համատեղ ձեռնարկվել էին համապատասխան միջոցառումներ, որոնց արդյունքում օտարերկրացիների հայտարարությունները` հայ-թուրքական սահմանը անօրինական հատելու վերաբերյալ չեն հաստատվել:
Ս.թ. հոկտեմբերի 28-ին Թունա Բեքլևիչը և Բայբարս Օրսեկը օրինական ճանապարհով, Բագրատաշենի անցակետով, ժամանել են Հայաստան և հաջորդ օրը Հայացք մամուլի ակումբում տեղի ունեցած ասուլիսի ընթացքում, Բեքլևիչը վերահաստատել է, որ իրենք հոկտեմբերի 11-ին ոտքով հատել են հայ-թուրքական սահմանը:
Վերոնշված հայտարարությունների առնչությամբ պարզաբանումներ ստանալու համար ս.թ. հոկտեմբերի 29-ին Թ. Բեքլևիչը և Բ. Օրսեկը հրավիրվել են ՀՀ Ազգային անվտանգության ծառայության վարչական շենք, ուր հայ- թուրքական սահմանը հատելու վերաբերյալ որևէ հիմնավոր փաստարկ չկարողացան ներկայացնել:
Թ. Բեքլևիչը և Բ. Օրսեկը նախազգուշացվել են, որ նման վարքագիծը և անպատասխանատու հայտարարություններն անընդունելի են և նրանց առաջարկվել է լքել Հայաստանի տարածքը:
Tehran Time
Yerevan Time
No comments:
Post a Comment