Tert.am. 12-7-2011- Թուրքիայում խոսքի և մամուլի ազատության բնագավառում առկա խոչընդոտները մտահոգիչ են։ Այս մասին, ինչպես տեղեկացնում է «Հյուրրիյեթ» օրաթերթը, ասված է Եվրախորհրդի մարդու իրավունքների հանձնակատար Թոմաս Համարբերգի հրապարակած զեկույցում։«Թուրքիայի Քրեական օրենսգիրքը և ահաբեկչության դեմ պայքարի օրենքը շարունակում են լուրջ խոչընդոտներ ստեղծել Թուրքիայում խոսքի ազատության բնագավառում։ Օրենքներում տեղ գտած դրույթներն օգտագործվել են լրագրողների և հրատարակիչների խոսքի ազատությունը սահմանափակելու համար»,– նշում է Համարբերգը՝ ընդգծելով, որ օրենքներում իրականացված փոփոխությունները բավարար չեն առկա թերությունները վերացնելու համար։
Զեկույցում Համարբերգը հիշեցնում է «Ակօս» շաբաթաթերթի խմբագրապետ Հրանտ Դինքի սպանության մասին և կոչ անում Թուրքիայի պատկան մարմիններին մեծացնել լրագրողների պաշտպանությանն ուղղված միջոցառումները։
Tehran Time
Yerevan Time
No comments:
Post a Comment