Թուրքիան հետ է կանչել Կանադայում իր դեսպանին Հայոց ցեղասպանության պատճառով

Tert.am.22-4-2009- Թուրքիան հետ է կանչել Կանադայի մայրաքաղաք Օտտավայում երկրի դեսպանին։ Պատճառն այն է, որ այդ քաղաքում կազմակերպվել և անցկացվել է Հայոց ցեղասպանության զոհերի հիշատակին նվիրված միջացառում։ Ինչպես նշված է թուրքական կողմի պաշտոնական հաղորդագրությունում, Կանադայի Միգրացիայի նախարար Յասոն Քենեյը ներկա է գտնվել Հայոց ցեղասպանության հիշատակման առթիվ կազմակերպված պաշտոնական արարողությանը և ելույթ ունեցել, չնայած թուրքական կառավարության նախազգուշացումներին։ Ըստ թուրքական կողմի՝ Կանադայի վարչապետ Ստեֆան Հարփերը նույնպես իր հարգանքի հավաստիքը հայտնող ուղերձ է ուղղել։ Հիշեցնենք, որ Կանադայի խորհրդարանը պաշտոնապես ընդունել է Հայոց ցեղասպանությունը 2004թ.։