Վլադիմիր Մովսիսյան. Ադրբեջանում հայերի տեղահանման մշակված քաղաքականություն է իրականացվել

News.am. 19-1-2010- Ադրբեջանում հայերի ջարդերն ու տեղահանումը 20-րդ դարում իրականացվել են երեք փուլով: Վերջակետն այդ գործընթացում դրվեց 1990թ. հունվարին: Այդ մասին Հայաստանի Գիտությունների ազգային ակադեմիայի կազմակերպած գիտական համաժողովում, որ նվիրված էր Ադրբեջանի մայրաքաղաքում հայերի ջարդերի 20-ամյակին, հայտարարել է Հանրային խորհրդի անդամ Վլադիմիր Մովսիսյանը: Նրա խոսքով, ադրբեջանական քաղաքականությունն իրականացվում էր երկու ուղղություններով: Միաժամանակ ամեն ինչ արվում էր Ադրբեջանի տարածքից հայերի տեղահանման համար, եւ զուգահեռաբար աճում էր էթնիկական տարրը Հայաստանում: Մովսիսյանը նշել է, որ 1988-90թ. Ադրբեջանից տեղահանվել է 368 հազար հայ, այն ժամանակ, երբ Հայաստանը լքել է 168 հազար ադրբեջանցի: Իր հերթին, ԳԱԱ պատմության ինստիտուտի տնօրեն Աշոտ Մելքոնյանն ընդգծել է, որ հայկական կողմը, պատերազմում տարած հաղթանակից արբած, մոռացության է մատնել պատմական ճշմարտությունը, ինչն արեց Ադրբեջանը՝ իրադարձությունների բացարձակ ստահոդ պատկեր ստեղծելով: