A1+ 13-3-2009- 2009 թվականի մարտի 13-ին Բրյուսովի անվան լեզվաբանական համալսարանի նախասրահում մասնագիտական պարտականությունները կատարելիս ծեծի է ենթարկվել ֆոտոլրագրող Գագիկ Շամշյանը: Վերջինս արյունահոսություն է ունեցել եւ տեղափոխվել հիվանդանոց: Հայտնի են այդ բռնությունը կատարողները:
Անկախ նրանից, թե ինչ հանգամանքներում է ծագել կոնֆլիկտը լրագրողի եւ համալսարանի ներքին անվտանգության աշխատակիցների միջեւ, դաժանությունը, որ դրսեւորել են վերջիններս, որեւէ արդարացում չի կարող ունենալ:
Սա լրագրողի մասնագիտական գործունեության խոչընդոտման հերթական դեպքն է, ԶԼՄ-ների ներկայացուցիչների նկատմամբ նախորդ տարիներին տեղի ունեցած ու չբացահայտված բիրտ եւ ցինիկ հանցագործությունների շղթայի մի օղակը:
Մենք դատապարտում ենք այս բռնարարքը եւ պահանջում ենք պատժել այն իրականացրած անձանց:
Խոսքի ազատության պաշտպանության կոմիտե
Երեւանի մամուլի ակումբ
Բազմակողմանի տեղեկատվության ինստիտուտ-Հայաստան
ԶԼՄ-ների աջակցության ՚Ինտերնյուսՙ ՀԿ
Թրանսփարենսի ինթերնեշնլ հակակոռուպցիոն կենտրոն
Հայաստանի հելսինկյան կոմիտե
Monday, March 16, 2009
Subscribe to:
Post Comments (Atom)
Tehran Time
Yerevan Time
No comments:
Post a Comment