Tert.am. 16-4-2009- Հայ-թուրքական սահմաների բացումը շրջադարձային պահ կլինի Թուրքիայի համար, որը ձգտում է ազդեցություն ձեռք բերել Կովկասում և Միջին Ասիայում: Այս մասին գրել է բրիտանական The Times-ը «Աշխարհի գավաթի հրավերը քայքայում է «երկաթյա վարագույրի» վերջին կտորը» հոդվածում:
Քանի որ օգոստոսյան պատերազմից հետո Ռուսաստանը սկսեց վերականգնել իր ուժերը Կովկասում, տարածաշրջանը կարող է բեմահարթակ դառնալ էներգետիկ ռեսուրսների վրա վերահսկողություն սահմանելու լարված պայքարի համար:
Երկկողմանի հարաբերությունները հարթելու նպատակով անցկացված բանակցությունները, որոնք մասամբ գաղտնի էին, ոչնչի չեն հանգեցրել: Որոշակի տեղաշրժ ապահովեց «ֆուտբոլային դիվանագիտությունը». սեպտեմբերին Հայաստանի նախագահ Սերժ Սարգսյանը Թուրքիայի նախագահ Գյուլին հրավիրեց Երևան` միասին դիտելու երկու երկրների հավաքականների միջև ընթացող Աշխարհի ֆուտբոլի գավաթի ընտրական հանդիպումը:
Ապրիլի 16-ին` Հայկական ցեղասպանության տարելիցից ութ օր առաջ, ՍԾՏՀ գագաթնաժողովի շրջանակներում Հայաստան է այցելելու Թուրքիայի արտգործնախարար Ալի Բաբաջանը:
Սահմանների բացման օրը նա դժվար թե հայտարարի, սակայն երկու կողմերն էլ հավատում են, որ այն երկար սպասել չի տա։Այս համատեքստում բրիտանական թերթը նշում է, որ Արևմուտքը Կովկասը դիտարկում է որպես հանգուցային երթուղի խողովակաշարերի անցկացման համար, որոնք, Ռուսաստանը շրջանցելով, պետք է միմյանց կապեն Միջին Ասիայի և Եվրոպայի հսկայական նավթային հանքերը:
Thursday, April 16, 2009
Subscribe to:
Post Comments (Atom)
Tehran Time
Yerevan Time
No comments:
Post a Comment