Միլանում հարձակավել են Իտալիայի վարչապետի վրա

Tert.am. 14-12-2009- Իտալիայի վարչապետ Սիլվիո Բեռլուսկոնին գտնվում է հիվանդանոցում` բժիշկների հսկողության ներքո` Միլանի կենտրոնում նրա վրա կատարված հարձակումից հետո: Վարչապետի բժիշկ Ալբերտո Ձանգրիլոյի խոսքերով` Բեռլուսկոնիից մի քանի շաբաթ կպահանջվի` ստացած վնասվածքներից լիովին ապաքինվելու համար: Բժիշկը նաև հայտնել է, որ ջարդվել են վարչապետի երկու ատամները, ինչպես նաև կոտրվել է քիթը: Բացի այդ, տուժածը շատ արյուն է կորցրել, հաղորդում է BBC-ն: Նշենք, որ Իտալիայի ոստիկանությունն արդեն մեղադրանք է ներկայացրել հոգեկան հիվանդությամբ տառապող 42-ամյա Մասսիմո Տարտալյեին: Ինչպես պատմել է բժիշկ Զանգրիլոն, հնարավոր է, որ Բեռլուսկոնին ստիպված լինի հիվանդանոցում անցկացնել մինչև երկու օր: Բեռլուսկոնիի վրա նետել էին Միլանի տաճարը պատկերող հուշանվեր, երբ նա ինքնագրեր էր բաժանում հարապարակային ելույթից հետո: Ինչպես գրում է իտալական մամուլը, վարչապետի ելույթի ժամանակ մարդկանց ոչ մեծ մի խումբ աղաղակում և սուլում էր, ինչից հետո ներկաների և Բելռուսկոնիի թիկնապահների միջև բախում է տեղի ունեցել: Հարձակումից հետո վարչապետին ուղեկցողները նրան օգնել են բարձրանալ և օգնել են նրան նստել մեքենա: 73-ամյա քաղաքական գործչի դեմքն ամբողջովն արյունոտված էր: