Շոկոլադը փրկում է ինսուլտից

Tert.am. 13-2-2010- Տորոնտոյի համալսարանի գիտնականները պնդում են, որ շոկոլադը մարդուն կարող է փրկել ինսուլտից: Մասնագետները հետազոտել են գրեթե 50 հազ. մարդու, ովքեր ամեն օր կերել են շոկոլադե մեկ սալիկ: Արդյունքները ցույց են տվել, որ շոկոլադի սիրահարների մոտ ինսուլտի հավանականությունը 22%-ով ավելի փոքր է: Այդ մասին հաղորդում է newsland.ru-ն: Ըստ գիտնականների` հակաինսուլտային հատկություն ունեն ֆլավոնոիդները։ Բացի շոկոլադից, ֆլավոնոիդներ կան նաև ցիտրուսային մրգերում, հատապտուղներում, սոխի, կանաչ թեյի, կարմիր գինու մեջ, գարեջրի մուգ տեսակներում, չիչխանում: Ի դեպ, մուգ շոկոլադը նաև սնուցում և սպանում է քաղցկեղային բջիջները: Հայտնի է, որ շոկոլադը օգնում է հաղթահարել սթրեսային վիճակները: Բացի այդ, մուգ շոկոլադը նպաստում է երիտասարդության պահպանմանը։