ԱԳՆ-ն ներկայացրել է հայ-թուրքական փաստաթղթերի ամբողջական փաթեթը

News.am. 18-2-2010- Հայաստանի ԱԳՆ-ն ներկայացրել է հայ-թուրքական արձանագրություններին վերաբերվող փաստաթղթերի ամբողջական փաթեթը, այս մասին NEWS.am-ին հայտնել է Հայաստանի ԱԳՆ մամուլի քարտուղար Տիգրան Բալայանը՝ մեկնաբանելով ՀՅԴ ներկայացուցիչ, ԱԺ արտաքին հարցերի հանձնաժողովի ղեկավար Արմեն Ռուստամյանի այն հայտարարությունը, թե հայ-թուրքական արձանագրությունների փաթեթը կիսատ է եւ նրանում բացակայում է ողջ գործընթացի նպատակահարմարության մասին ԱԳՆ տեղեկանքը: Ռուստամյանը հիշեցրել է, որ ՀՅԴ-ն այդ տեղեկանքը վաղուց է պահանջել ԱԳՆ-ից, եւ արտաքին գործերի գերատեսչությունը խոստացել է այն հայ-թուրքական արձանագրությունների հետ ուղարկել խորհրդարան։ Նշենք, որ համաձայն օրենսդրության՝ արձանագրությունները խորհրդարան է ուղարկել նախագահի աշխատակազմը: Արդեն փետրվարի 19-ին Հայաստանի խորհրդարանում կսկսվեն փաստաթղթերի քննարկումները: