Ստամբուլում հայ պաշտոնյան այցելել է Պոլսո Հայոց պատրիարքարան

News.am. 10-3-2010- Ստամբուլում Սեւծովյան տնտեսական համագործակցության կազմակերպությունում Հայաստանի նորանշանակ ներկայացուցիչ Միքայել Վարդանյանը մարտի 9-ին այցելել է Պոլսո Հայոց պատրիարքարան։ Այս մասին հայտնում է պատրիարքարանը։ Հայաստանի նորանշանակ ներկայացուցիչը նշել է, որ ցանկացել է առաջին այցելությունը կատարել պատրիարքարան։ Պատրիարքարանի հոգեւոր խորհրդի ղեկավար, արք. Արամ Աթեշյանը բարի գալուստ է մաղթել հյուրին եւ ցանկացել հաջողություններ նոր պաշտոնում, ինչպես նաեւ տեղեկություններ է հաղորդել պատրիարքարանի եւ հայ համայնքի վերաբերյալ։