Panorama.am. 4-3-2010- Հայոց ցեղասպանության բանաձևի ընդունումը ԱՄՆ Ներկայացուցիչների պալատի Արտաքին հարաբերությունների հանձնաժողովում կանխելու համար Անկարան հանդես է եկել հետևյալ սպառնալիքով. «Եթե բանաձևն ընդունվի, ապա ինքնաթիռների, ուղղաթիռների, զենք-զինամթերքի, հրթիռների գնման մասին 45 մլրդ դոլար ընդհանուր արժողությամբ պայմանագրերը չեղյալ կհայտարարենք»: Այս մասին տեղեկացնում է թուրքական «Վաթան» (Vatan) թերթը:
Լրատվամիջոցի տվյալներով` Պալատի հիշյալ հանձնաժողովի 46 անդամներից 25-ը վճռականորեն տրամադրված են կողմ քվեարկելու ցեղասպանության բանաձևին: Ցեղասպանությունը դատապարտող օրինագծին «այո» ասող 25 հանձաժողովականներից 18-ը իշխող Դեմոկրատական, իսկ 7-ը Հանրապետական կուսակցություններից են:
«Vatan» թերթը հրապարակել է ԱՄՆ օրենսդիր մարմնում գործող ընթացակարգը, որով և կարող է անցնել Ցեղասպանության բանաձևը: Այսպես`
• ԱՄՆ-ի երկու օրենսդիր մարմիններից մեկը հանդիսացող Ներկայացուցիչների պալատի Արտաքին հարաբերությունների հանձնաժողովում այսօր Հայոց ցեղասպանության բանաձևը դրվելու է քվեարկության:
• Ամենայն հավանականությամբ կընդունվի և Պալատի լիագումար նիստ կուղարկվի:
• Լիագումար նիստում բանաձևն օրակարգ բերելն ու քվեարկության դնելը կախված է Պալատի ղեկավար Նենսի Փելոսիից:
• Օրինագծի ընդունման համար անհրաժեշտ է, որ 435 պատգամավորներից 218-ի կողմ քվեարկեն: Բանաձևի ներքո էլ կա 137 պատգամավորի ստորագրություն: Հանձնաժողովում ընդունելուց հետո, սպասվում է, որ այդ ստորագրությունների թիվը կավելանա:
• ԱՄՆ-ում որևէ օրինագիծ օրենք դարձնելու համար անհրաժեշտ է, որ իրենց համաձայնությունը տան Ներկայացուցիչների պալատը, Սենատը և նախագահը: Հայկական բանաձևը Ներկայացուցիչների պալատից հետո հայտնվելու Սենատում:
• Սենատում այդ բանաձևի ընդունման հավանականությունը մեծ չէ:
«Հայկական սփյուռքը նշված բանաձևը Պալատում ընդունել տալով Թուրքիայի նկատմամբ կտանի խորհրդանշական ու ռազմավարական նշանակության մի հաղթանակ, ինչին շատ մոտ է»,- անհանգստություն է հայտնում թուրքական լրատվամիջոցը:
Thursday, March 4, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment