Օտարալեզու դպրոցների բացման մասին օրինագիծն ընդունվեց

7or.am. 24-6-2010- Հենց նոր խորհրդարանը ձայների 71 կողմ, 13 դեմ, 1 ձեռնպահ հարաբերակցությամբ առաջին ընթերցմամբ ընդունեց ՀՀ կառավարության ներկայացրած ««Լեզվի մասին» և «Հանրակրթության մասին» ՀՀ օրենքներում փոփոխություններ և լրացումներ կատարելու մասին» օրենսդրական վիճահարույց փաթեթը։ Օրինագծի երկրորդ ընթերցումը տեղի կունենա ԱԺ-ի աշնանային նստաշրջանի քառօրյայում։ Քվեարկության ժամանակ գրանցված է եղել 95 պատգամավոր։ Հիշեցնենք, որ նախօրեին ՀՀ կրթության և գիտության նախարար Արմեն Աշոտյանը պատգամավորներին կոչ էր արել առաջին ընթերցմամբ ընդունել օրենսդրական փաթեթը, իսկ մինչև երկրորդ ընթերցում միասին աշխատել և խնդրահարույց հարցերի շուրջ լուծումներ գտնել։