Թուրքագետ. Հայ-թուրքական սահմանը կբացվի Թուրքիայում կայանալիք խորհրդարանական ընտրություններից հետո

News.am. 13-7-2010- «Հայ-թուրքական հարաբերությունների կարգավորումը ներկայումս փակուղային փուլում է։ Ես չեմ կիսում այն լավատեսությունը, որ մոտ ապագայում հայ-թուրքական հարաբերություները կվերակենդանանան»։ NEWS.am-ի թղթակցի հետ զրույցում այս մասին հայտարարել է Երեւանի պետական համալսարանի արեւելագիտության ֆակուլտետի փոխդեկան Ռուբեն Մելքոնյանը։ Նրա խոսքով, Թուրքիայում ընթացող իրադարձությունները հիմք են տալիս հետեւություն անել, որ հայ-թուրքական սահմանը կբացվի միայն Թուրքիայում կայանալիք խորհրդարանական ընտրություններից հետո։ «Իրական ակտիվություն գործընթացում կարող է գրանցվել նաեւ ղարաբաղյան հարցում գրանցված առաջընթացի հետեւանքով, իսկ մինչ այդ Թուրքիան միջազգային հանրությանը փորձում է ներկայանալ իբրեւ հանդուրժող երկիր»,- ասաց նա։